The Bible - Bilingual | American - Cebuano | Proverbs 21 - Mga Proverbio 21

Proverbs 21	Mga Proverbio 21
Proverbs 21:1 The king's heart is in the hand of Jehovah as the watercourses: He turneth it whithersoever he will.	Mga Proverbio 21:1 Ang kasingkasing sa hari anaa sa kamot ni Jehova maingon sa mga baha sa tubig: Siya nagapaliso niini sa bisan diin nga siya magabuot.
Proverbs 21:2 Every way of a man is right in his own eyes; But Jehovah weigheth the hearts.	Mga Proverbio 21:2 Ang tagsatagsa ka dalan sa usa ka tawo matarung sa iyang kaugalingong mga mata; Apan si Jehova magatimbang sa mga kasingkasing.
Proverbs 21:3 To do righteousness and justice Is more acceptable to Jehovah than sacrifice.	Mga Proverbio 21:3 Ang pagbuhat sa pagkamatarung ug justicia Labi pang dawaton ni Jehova kay sa halad.
Proverbs 21:4 A high look, and a proud heart, [Even] the lamp of the wicked, is sin.	Mga Proverbio 21:4 Ang usa ka tinan-awan nga mapahitas-on, ug ang usa ka palabilabihong kasingkasing, Bisan ang lamparahan sa dautan, sala man.
Proverbs 21:5 The thoughts of the diligent [tend] only to plenteousness; But every one that is hasty [hasteth] only to want.	Mga Proverbio 21:5 Ang mga hunahuna sa makugihon nagapadulong ngadto sa pagkadagaya; Apan ang tagsatagsa ka madalidalion nagadali lamang sa kawalad-on.
Proverbs 21:6 The getting of treasures by a lying tongue Is a vapor driven to and fro by them that seek death.	Mga Proverbio 21:6 Ang pagbaton ug mga bahandi pinaagi sa usa ka bakakong dila Maoy usa ka gabon nga ginapalid ngadto ug nganhi niadtong nagapangita sa kamatayon.
Proverbs 21:7 The violence of the wicked shall sweep them away, Because they refuse to do justice.	Mga Proverbio 21:7 Ang pagpanlupig sa dautan magasilhig kanila, Tungod kay sila nagadumili sa pagbuhat ug justicia.
Proverbs 21:8 The way of him that is laden with guilt is exceeding crooked; But as for the pure, his work is right.	Mga Proverbio 21:8 Ang dalan niadtong natugob sa kasal-anan baliko gayud kaayo; Apan alang niadtong mga ulay, ang iyang buhat matarung.
Proverbs 21:9 It is better to dwell in the corner of the housetop, Than with a contentious woman in a wide house.	Mga Proverbio 21:9 Maayo pa ang pagpuyo diha sa pamag-angan sa atop sa balay, Kay sa pakigkauban sa usa ka makig-awayong babaye sa usa ka halapad nga balay.
Proverbs 21:10 The soul of the wicked desireth evil: His neighbor findeth no favor in his eyes.	Mga Proverbio 21:10 Ang kalag sa dautan nagatinguha sa dautan: Ang iyang isigkatawo dili makakaplag ug kalooy diha sa iyang mga mata.
Proverbs 21:11 When the scoffer is punished, the simple is made wise; And when the wise is instructed, he receiveth knowledge.	Mga Proverbio 21:11 Kong ang mayubiton pagasilotan, ang walay-pagtagad mahimong manggialamon; Ug kong ang manggialamon pahamatngonon siya makadawat ug kahibalo.
Proverbs 21:12 The righteous man considereth the house of the wicked, [How] the wicked are overthrown to [their] ruin.	Mga Proverbio 21:12 Ang tawong matarung nagatulotimbang sa balay sa dautan, Unsaon sa pagkaunlod sa dautan ngadto sa ilang kapildihan.
Proverbs 21:13 Whoso stoppeth his ears at the cry of the poor, He also shall cry, but shall not be heard.	Mga Proverbio 21:13 Bisan kinsa nga magasampong sa iyang mga idgulungog sa pagtu-aw sa kabus, Siya usab magatu-aw ra, apan dili pagapatalinghugan.
Proverbs 21:14 A gift in secret pacifieth anger; And a present in the bosom, strong wrath.	Mga Proverbio 21:14 Ang usa ka gasa sa tago magapapoypoy sa kasuko; Ug ang usa ka hatag diha sa sabakan, sa hilabihan nga kasuko.
Proverbs 21:15 It is joy to the righteous to do justice; But it is a destruction to the workers of iniquity.	Mga Proverbio 21:15 Maoy kalipay sa matarung ang pagbuhat ug justicia; Apan maoy usa ka pagkalaglag sa mga mamumuhat sa kasal-anan.
Proverbs 21:16 The man that wandereth out of the way of understanding Shall rest in the assembly of the dead.	Mga Proverbio 21:16 Ang tawo nga nagasaagsaag gikan sa dalan sa pagsabut Magapahulay sa katilingban sa mga minatay.
Proverbs 21:17 He that loveth pleasure shall be a poor man: He that loveth wine and oil shall not be rich.	Mga Proverbio 21:17 Siya nga mahigugmaon sa kalingawan mahimong kabus nga tawo: Siya nga mahigugmaon sa vino ug lana dili maadunahan.
Proverbs 21:18 The wicked is a ransom for the righteous; And the treacherous [cometh] in the stead of the upright.	Mga Proverbio 21:18 Ang dautan maoy usa ka lukat alang sa matarung; Ug ang maluibon modangat nga ilis sa matul-id
Proverbs 21:19 It is better to dwell in a desert land, Than with a contentious and fretful woman.	Mga Proverbio 21:19 Maayo pang magpuyo sa usa ka yuta nga kamingawan, Kay sa pakig-ipon sa usa ka makig-awayon ug masuk-anon nga babaye.
Proverbs 21:20 There is precious treasure and oil in the dwelling of the wise; But a foolish man swalloweth it up.	Mga Proverbio 21:20 Adunay bililhon nga bahandi ug lana diha sa puloy-anan sa manggialamon; Apan ang usa ka tawong buang magalamoy niana.
Proverbs 21:21 He that followeth after righteousness and kindness Findeth life, righteousness, and honor.	Mga Proverbio 21:21 Kadtong magasunod sa pagkamatarung ug sa kalolot Makakaplag sa kinabuhi, pagkamatarung, ug kadungganan.
Proverbs 21:22 A wise man scaleth the city of the mighty, And bringeth down the strength of the confidence thereof.	Mga Proverbio 21:22 Ang usa ka manggialamon nga tawo makakatkat sa usa ka ciudad sa gamhanan, Ug makapukan sa kusog nga gisaligan niana.
Proverbs 21:23 Whoso keepeth his mouth and his tongue Keepeth his soul from troubles.	Mga Proverbio 21:23 Bisan kinsa nga magabantay sa iyang baba ug sa iyang dila, Magabantay sa iyang kalag gikan sa mga kasamok.
Proverbs 21:24 The proud and haughty man, scoffer is his name; He worketh in the arrogance of pride.	Mga Proverbio 21:24 Ang tawong palabi-labihon ug garboso, mayubiton ang iyang ngalan; Siya magabuhat nga nagapakaaron-ingnon sa iyang pagkamapahitas-on.
Proverbs 21:25 The desire of the sluggard killeth him; For his hands refuse to labor.	Mga Proverbio 21:25 Ang tinguha sa tapulan nagapatay kaniya; Kay ang iyang mga kamot nagadumili sa pagbuhat.
Proverbs 21:26 There is that coveteth greedily all the day long; But the righteous giveth and withholdeth not.	Mga Proverbio 21:26 Adunay maibug sa pagkahakog gayud sa tibook adlaw; Apan ang matarung nagahatag ug wala magatungina.
Proverbs 21:27 The sacrifice of the wicked is an abomination: How much more, when he bringeth it with a wicked mind!	Mga Proverbio 21:27 Ang halad sa tawong dautan maoy usa ka dulumtanan; Daw unsa ka labaw pa gayud, kong iyang dad-on kini uban sa dautan nga hunahuna!
Proverbs 21:28 A false witness shall perish; But the man that heareth shall speak so as to endure.	Mga Proverbio 21:28 Ang usa ka bakakon nga saksi mahanaw; Apan ang tawo nga nagapamati nagapadayon sa iyang gipamulong.
Proverbs 21:29 A wicked man hardeneth his face; But as for the upright, he establisheth his ways.	Mga Proverbio 21:29 Ang usa ka tawong dautan magapagahi sa iyang nawong; Apan mahitungod sa matul-id siya magalig-on sa iyang mga dalan.
Proverbs 21:30 There is no wisdom nor understanding Nor counsel against Jehovah.	Mga Proverbio 21:30 Walay kaalam ni pagsabut Ni tambag batok kang Jehova.
Proverbs 21:31 The horse is prepared against the day of battle; But victory is of Jehovah.	Mga Proverbio 21:31 Ang kabayo giandam batok sa adlaw sa gubat; Apan ang pagdaug iya kang Jehova.