Bibliya - Bilingüe | Sugboanon - Amerikano | Job 7 - Job 7

Job 7	Job 7
Job 7:1 Ang tawo wala bay panahon sa pag-alagad diha ibabaw sa yuta? Dili ba ang iyang mga adlaw sama sa mga adlaw sa usa ka sinuholan?	Job 7:1 Is there not a warfare to man upon earth? And are not his days like the days of a hireling?
Job 7:2 Ingon sa usa ka sulogoon nga nagatinguha ug daku uyamut sa anino, Ug ingon sa usa ka sinuholan nga nagapangita sa iyang suhol:	Job 7:2 As a servant that earnestly desireth the shadow, And as a hireling that looketh for his wages:
Job 7:3 Ingon man ako gihimo aron mahiagum sa mga bulan sa kaalaut, Ug mga gabii nga makapuol gitudlo kanako.	Job 7:3 So am I made to possess months of misery, And wearisome nights are appointed to me.
Job 7:4 Sa magahigda ako, magaingon, Anus-a pa ako mobangon, ug ang gabii moagi? Ug kanunay ra akong nagalisoliso hangtud sa pagbanagbanag sa adlaw.	Job 7:4 When I lie down, I say, When shall I arise, and the night be gone? And I am full of tossings to and fro unto the dawning of the day.
Job 7:5 Ang akong unod naputos sa mga ulod ug sa mga abug nga tibukol; Ang akong panit namuto ug makaluod.	Job 7:5 My flesh is clothed with worms and clods of dust; My skin closeth up, and breaketh out afresh.
Job 7:6 Ang akong mga adlaw labing matulin kay sa lansadera sa maghahabol, Ug natapus nga walay paglaum.	Job 7:6 My days are swifter than a weaver's shuttle, And are spent without hope.
Job 7:7 Oh hinumdumi nga ang akong kinabuhi usa lamang ka gininhawa: Ang akong mata dili na makakita sa maayo.	Job 7:7 Oh remember that my life is a breath: Mine eye shall no more see good.
Job 7:8 Ang mata niya nga nagatan-aw kanako, dili na makakita kanako; Ang imong mga mata, ilantaw mo kanako, apan ako mawala na.	Job 7:8 The eye of him that seeth me shall behold me no more; Thine eyes shall be upon me, but I shall not be.
Job 7:9 Sama sa panganod nga mahurot ug mapapas, Mao man usab ang manaug ngadto sa Sheol, dili na mobalik sa ibabaw.	Job 7:9 As the cloud is consumed and vanisheth away, So he that goeth down to Sheol shall come up no more.
Job 7:10 Dili na siya mobalik sa iyang balay, Ni makaila pa kaniya ang iyang pinuy-anan.	Job 7:10 He shall return no more to his house, Neither shall his place know him any more.
Job 7:11 Busa dili ako mopugong sa akong baba; Ako mosulti sa kaguil sa akong espiritu, Ako mag-agulo sa kapait sa akong kalag.	Job 7:11 Therefore I will not refrain my mouth; I will speak in the anguish of my spirit; I will complain in the bitterness of my soul.
Job 7:12 Dagat ba ako, kun mananap ba sa dagat, Nga ikaw magbutang ug usa ka magbalantay kanako?	Job 7:12 Am I a sea, or a sea-monster, That thou settest a watch over me?
Job 7:13 Kong ako magaingon: Ang akong higdaanan kanako molipay, Ang akong banig molipay sa akong inagulo;	Job 7:13 When I say, My bed shall comfort me, My couch shall ease my complaint;
Job 7:14 Unya imo akong pagahadlokon sa mga damgo, Ug pinaagi sa mga panan-awon imo akong pagalisangon:	Job 7:14 Then thou scarest me with dreams, And terrifiest me through visions:
Job 7:15 Mao nga palabihon sa akong kalag nga siya malumsan, Ug ang kamatayon labi kay niining akong kabukogan.	Job 7:15 So that my soul chooseth strangling, And death rather than [these] my bones.
Job 7:16 Giluod ako niining akong kinabuhi; dili ako buot nga mabuhi sa kanunay: Pasagdi ako nga mag-inusara; kay ang akong mga adlaw kakawangan man.	Job 7:16 I loathe [my life]; I would not live alway: Let me alone; for my days are vanity.
Job 7:17 Unsa ba ang tawo nga ikaw kaniya magapadaku, Ug nga siya imong pagatagdon,	Job 7:17 What is man, that thou shouldest magnify him, And that thou shouldest set thy mind upon him,
Job 7:18 Ug nga ikaw sa tanang buntag kaniya magadu-aw, Ug sa tagsatagsa ka gutlo kaniya magasulay?	Job 7:18 And that thou shouldest visit him every morning, And try him every moment?
Job 7:19 Hangtud anus-a pa ba ikaw mohunong sa pagsud-ong kanako, Kun ako pasagdan mo hangtud nga matulon ko ang akong laway?	Job 7:19 How long wilt thou not look away from me, Nor let me alone till I swallow down my spittle?
Job 7:20 Kong ako nakasala, unsa ang arang nga mabuhat alang kanimo, Oh, ikaw nga magbalantay sa katawohan? Nganong imo akong gitudlo nga usa ka tiniman-an batok kanimo, Nga ako nahimong palas-anon sa akong kaugalingon?	Job 7:20 If I have sinned, what do I unto thee, O thou watcher of men? Why hast thou set me as a mark for thee, So that I am a burden to myself?
Job 7:21 Ug ngano nga dili mo ako pasayloon sa akong kalapasan, ug kuhaon ang akong kasal-anan? Kay karon sa abug ako mohigda; Ug kanako ikaw magasingkamot sa pagpangita, apan ako mawala na.	Job 7:21 And why dost thou not pardon my transgression, and take away mine iniquity? For now shall I lie down in the dust; And thou wilt seek me diligently, but I shall not be.