Bibliya - Bilingüe | Sugboanon - Amerikano | Mateo 24 - Matthew 24

Mateo 24	Matthew 24
Mateo 24:1 Ug si Jesus mipahawa sa templo, ug samtang naglakaw siya miduol kaniya ang iyang mga tinun-an ug ilang gitudlo kaniya ang mga bahin sa templo.	Matthew 24:1 And Jesus went out from the temple, and was going on his way; and his disciples came to him to show him the buildings of the temple.
Mateo 24:2 Apan kanila mitubag siya nga nag-ingon, "Nakita ninyo kining tanan, dili ba? Sa pagkatinuod, magaingon ako kaninyo, nga dinhi wala unyay mahibiling usa ka bato nga pinatong sa bato nga dili pagatumpagon."	Matthew 24:2 But he answered and said unto them, See ye not all these things? verily I say unto you, There shall not be left here one stone upon another, that shall not be thrown down.
Mateo 24:3 Ug sa naglingkod siya sa Bungtod sa mga Olivo, giduol siya sa mga tinun-an nga silasila ra, nga nanag-ingon, "Tug-ani kami, kanus-a man kini mahitabo, ug unsa man ang ilhanan sa imong pag-anhi ug sa pagkatapus sa kapanahonan?"	Matthew 24:3 And as he sat on the mount of Olives, the disciples came unto him privately, saying, Tell us, when shall these things be? and what [shall be] the sign of thy coming, and of the end of the world?
Mateo 24:4 Ug kanila mitubag si Jesus nga nag-ingon, "Magbantay kamo nga walay magapahisalaag kaninyo.	Matthew 24:4 And Jesus answered and said unto them, Take heed that no man lead you astray.
Mateo 24:5 Kay daghan unya ang motungha dinala ang akong ngalan, nga manag-ingon, `Ako mao ang Cristo,` ug daghan ang ilang pahisa-laagon.	Matthew 24:5 For many shall come in my name, saying, I am the Christ; and shall lead many astray.
Mateo 24:6 Ug makadungog kamog mga gubat ug mga dungogdungog mahi-tungod sa mga gubat; pagbantay kamo nga dili kamo makuyawan; kay kinahanglan gayud kini nga mahitabo, apan dili pa kini mao ang katapusan.	Matthew 24:6 And ye shall hear of wars and rumors of wars; see that ye be not troubled: for [these things] must needs come to pass; but the end is not yet.
Mateo 24:7 Kay managgubat ang nasud batok sa nasud, ug ang gingharian batok sa gingharian, ug mahitabo ang mga gutom ug mga linog sa nagkalainlaing mga dapit:	Matthew 24:7 For nation shall rise against nation, and kingdom against kingdom; and there shall be famines and earthquakes in divers places.
Mateo 24:8 kining tanan mao lamay sinugdanan sa mga kasakit.	Matthew 24:8 But all these things are the beginning of travail.
Mateo 24:9 "Unya ila kamong itugyan ngadto sa mga kasakitan, ug ipapatay kamo nila; ug pagadumtan kamo sa tanang kanasuran tungod sa akong ngalan.	Matthew 24:9 Then shall they deliver you up unto tribulation, and shall kill you: and ye shall be hated of all the nations for my name's sake.
Mateo 24:10 Ug unya daghan ang mosibug gikan sa pagtoo, ug magabudhiay ug magadumtanay ang usag usa.	Matthew 24:10 And then shall many stumble, and shall deliver up one another, and shall hate one another.
Mateo 24:11 Ug motungha ang daghang mga mini nga profeta ug magapahisalaag sa daghan.	Matthew 24:11 And many false prophets shall arise, and shall lead many astray.
Mateo 24:12 Ug kay mosanay man ang kadautan, mobugnaw ang gugma sa kadaghanan.	Matthew 24:12 And because iniquity shall be multiplied, the love of the many shall wax cold.
Mateo 24:13 Apan ang molahutay hangtud sa katapusan mamaluwas.	Matthew 24:13 But he that endureth to the end, the same shall be saved.
Mateo 24:14 Ug kining Maayong Balita mahitungod sa gingharian igawali ngadto sa tibuok nga kalibutan ingon nga pagpamatuod ngadto sa tanang kanasuran; ug unya moabut na ang katapusan.	Matthew 24:14 And this gospel of the kingdom shall be preached in the whole world for a testimony unto all the nations; and then shall the end come.
Mateo 24:15 "Tungod niini, inigkakita ninyo sa gihisgutan sa profeta nga si Daniel, sa iyang gihisgutang malaglagon nga pasipala nga magatindog sulod sa dapit nga balaan (pasabta niini ang magabasa),	Matthew 24:15 When therefore ye see the abomination of desolation, which was spoken of through Daniel the prophet, standing in the holy place (let him that readeth understand),
Mateo 24:16 nan, sila nga anha sa Judea pakalagiwa ngadto sa kabukiran;	Matthew 24:16 then let them that are in Judaea flee unto the mountains:
Mateo 24:17 ug siya nga anha sa atop, ayaw na pakanauga aron sa pagkuha pag bisan unsa sulod sa iyang balay;	Matthew 24:17 let him that is on the housetop not go down to take out things that are in his house:
Mateo 24:18 ug siya nga anha sa uma, ayaw na pabalika aron sa pagkuha pa sa iyang kupo.	Matthew 24:18 and let him that is in the field not return back to take his cloak.
Mateo 24:19 Ug alaut gayud ang mga mabdos ug ang may mga masoso niadtong mga adlawa!	Matthew 24:19 But woe unto them that are with child and to them that give suck in those days!
Mateo 24:20 Pag-ampo kamo nga unta ang inyong pagpangagiw dili mahiatol sa tingtugnaw o sa adlaw nga igpapahulay.	Matthew 24:20 And pray ye that your flight be not in the winter, neither on a sabbath:
Mateo 24:21 Kay unya moabut ang dakung kasakitan nga ang ingon wala pa mahitabo sukad sa sinugdan sa kalibutan hangtud karon, ug dili na gayud mahitabo pa.	Matthew 24:21 for then shall be great tribulation, such as hath not been from the beginning of the world until now, no, nor ever shall be.
Mateo 24:22 Ug kon ang gidaghanon niadtong mga adlawa wala pa pagkubsi, wala untay tawong maluwas; apan tungod sa iyang mga pinili, ang gidaghanon niadtong mga adlawa pagakubsan.	Matthew 24:22 And except those days had been shortened, no flesh would have been saved: but for the elect's sake those days shall be shortened.
Mateo 24:23 Ug unya kon adunay magaingon kaninyo, `Tan-awa, ania ra ang Cristo!` o `Atua ra siya!` ayaw gayud kamo pagtoo niini.	Matthew 24:23 Then if any man shall say unto you, Lo, here is the Christ, or, Here; believe [it] not.
Mateo 24:24 Kay motungha ang mga mini nga Cristo ug mga mini nga profeta ug magapakitag dagkung mga ilhanan ug mga katingalahan aron sa pagpahisalaag, kon mahimo, bisan pa sa mga pinili.	Matthew 24:24 For there shall arise false Christs, and false prophets, and shall show great signs and wonders; so as to lead astray, if possible, even the elect.
Mateo 24:25 Tan-awa, gisuginlan ko na kamong daan.	Matthew 24:25 Behold, I have told you beforehand.
Mateo 24:26 Busa, kon sila magaingon kaninyo, `Tan-awa, atua siya sa awaaw,` ayaw gayud kamo pag-adto didto. Ug kon sila magaingon, `Tan-awa, anaa siya sa sulod nga mga lawak,` ayaw gayud kamo pagtoo niini.	Matthew 24:26 If therefore they shall say unto you, Behold, he is in the wilderness; go not forth: Behold, he is in the inner chambers; believe [it] not.
Mateo 24:27 Kay maingon nga ang kilat magakilab gikan sa sidlakan ug makita hangtud sa kasadpan, maingon man usab unya niini ang pag-abut sa Anak sa Tawo.	Matthew 24:27 For as the lightning cometh forth from the east, and is seen even unto the west; so shall be the coming of the Son of man.
Mateo 24:28 Diin gani ang patay, atua usab didto magakatapok ang mga agila.	Matthew 24:28 Wheresoever the carcase is, there will the eagles be gathered together.
Mateo 24:29 "Ug dihadiha inigkatapus sa kasakitan niadtong mga adlawa, ang Adlaw mongitngit, ug ang Bulan dili na mohatag ug kahayag, ug ang mga bitoon mangatagak gikan sa kahitas-an, ug matay-og ang mga gahum sa kalangitan.	Matthew 24:29 But immediately after the tribulation of those days the sun shall be darkened, and the moon shall not give her light, and the stars shall fall from heaven, and the powers of the heavens shall be shaken:
Mateo 24:30 Ug unya magapakita diha sa langit ang ilhanan sa Anak sa Tawo, ug unya ang tanang kabanayan sa yuta manag-minatay, ug ilang makita ang Anak sa Tawo nga moabut nga sinapwang sa mga panganud sa langit inubanan sa kagahum ug dakung himaya;	Matthew 24:30 and then shall appear the sign of the Son of man in heaven: and then shall all the tribes of the earth mourn, and they shall see the Son of man coming on the clouds of heaven with power and great glory.
Mateo 24:31 ug pagasugoon niya ang iyang mga manolunda pinaagi sa makusog nga tingog sa trumpeta, ug ilang pagahipuson ang iyang mga pinili gikan sa mga sugdanan sa upat ka mga hangin, gikan sa usa ka tumoy sa langit ngadto sa usa.	Matthew 24:31 And he shall send forth his angels with a great sound of a trumpet, and they shall gather together his elect from the four winds, from one end of heaven to the other.
Mateo 24:32 "Gikan sa kahoyng igira tun-i ninyo kining usa ka pananglitan: inigpanglumoy na gani sa iyang mga sanga ug manalingsing na, nan, inyong masayran nga nagakaduol na ang tingadlaw.	Matthew 24:32 Now from the fig tree learn her parable: when her branch is now become tender, and putteth forth its leaves, ye know that the summer is nigh;
Mateo 24:33 Ingon man usab niini, inigkakita ninyo niining tanang mga butanga, masayran ninyo nga haduol na siya, anaa na gayud sa mga pultahan.	Matthew 24:33 even so ye also, when ye see all these things, know ye that he is nigh, [even] at the doors.
Mateo 24:34 Sa pagkatinuod, magaingon ako kaninyo, nga sa dili pa mahanaw kining kaliwatana, kining tanang mga butanga maga-kahitabo gayud.	Matthew 24:34 Verily I say unto you, This generation shall not pass away, till all these things be accomplished.
Mateo 24:35 Ang langit ug ang yuta mangahanaw, apan ang akong mga pulong dili gayud mahanaw.	Matthew 24:35 Heaven and earth shall pass away, but my words shall not pass away.
Mateo 24:36 "Apan mahitungod sa maong adlaw ug takna, walay usa nga nasayud, bisan pa ang mga manolunda sa langit, bisan pa ang Anak, gawas sa Amahan lamang.	Matthew 24:36 But of that day and hour knoweth no one, not even the angels of heaven, neither the Son, but the Father only.
Mateo 24:37 Maingon kaniadto sa mga adlaw ni Noe, mao man usab unya ang pag-abut sa Anak sa Tawo.	Matthew 24:37 And as [were] the days of Noah, so shall be the coming of the Son of man.
Mateo 24:38 kay maingon nga niadtong mga adlawa sa wala pa ang lunop sila nanagpangaon ug nanag-inum, nanagpangasawa ug nanagpamana hangtud sa adlaw sa pagsulod ni Noe sa arka,	Matthew 24:38 For as in those days which were before the flood they were eating and drinking, marrying and giving in marriage, until the day that Noah entered into the ark,
Mateo 24:39 ug sila walay kasayuran niini hangtud sa pag-abut sa lunop ug gianud silang tanan, maingon man usab niini ang pag-abut unya sa Anak sa Tawo.	Matthew 24:39 and they knew not until the flood came, and took them all away; so shall be the coming of the Son of man.
Mateo 24:40 Unya anha sa uma ang duha ka lalaki; usa kuhaon ug usa mabiyaan.	Matthew 24:40 Then shall two man be in the field; one is taken, and one is left:
Mateo 24:41 Duha ka babaye magagaling diha sa ligsanan; usa kuhaon ug usa mabiyaan.	Matthew 24:41 two women [shall be] grinding at the mill; one is taken, and one is left.
Mateo 24:42 Busa pagtukaw kamo, kay wala kamo mahibalo unsang adlawa moabut ang inyong Ginoo.	Matthew 24:42 Watch therefore: for ye know not on what day your Lord cometh.
Mateo 24:43 Apan hibaloi ninyo nga kon ang pangulo sa panimalay nasayud pa unsang taknaa sa kagabhion moabut ang kawatan, magatukaw unta siya ug dili niya tugotan nga pagasak-on ang iyang balay.	Matthew 24:43 But know this, that if the master of the house had known in what watch the thief was coming, he would have watched, and would not have suffered his house to be broken through.
Mateo 24:44 Busa kamo usab kinahanglan mangandam, kay ang Anak sa Tawo moabut sa takna nga wala ninyo dahuma.	Matthew 24:44 Therefore be ye also ready; for in an hour that ye think not the Son of man cometh.
Mateo 24:45 "Nan, kinsa ba ang kasaligan ug manggialamon nga ulipon nga maoy itudlo sa iyang agalon sa pagdumala sa iyang panimalay, sa paghatag kanila sa ilang pagkaon sa hustong panahon?	Matthew 24:45 Who then is the faithful and wise servant, whom his lord hath set over his household, to give them their food in due season?
Mateo 24:46 Dalaygon kadtong ulipona nga sa pag-abut sa iyang agalon mahiabtan nga magabuhat sa ingon.	Matthew 24:46 Blessed is that servant, whom his lord when he cometh shall find so doing.
Mateo 24:47 Sa pag-katinuod, magaingon ako kaninyo, nga igatudlo niya siya nga maoy magadumala sa iyang tanang katigayonan.	Matthew 24:47 Verily I say unto you, that he will set him over all that he hath.
Mateo 24:48 Apan kon ang dautang ulipon magaingon sa iyang kaugalingon, `Madugay pa kadtong akong agalon,`	Matthew 24:48 But if that evil servant shall say in his heart, My lord tarrieth;
Mateo 24:49 ug unya mosugod siya sa pagpamospos sa iyang mga masigkaulipon, ug magakaon ug maga-inom kauban sa mga palahubog,	Matthew 24:49 and shall begin to beat his fellow-servants, and shall eat and drink with the drunken;
Mateo 24:50 ang agalon sa maong ulipon moabut ra sa adlaw nga wala siya magpaabut kaniya ug sa takna nga wala niya hibaloi,	Matthew 24:50 the lord of that servant shall come in a day when he expecteth not, and in an hour when he knoweth not,
Mateo 24:51 ug iyang silotan siya ug ibutang niya ipon sa mga maut; didto ang mg tawo managpanghilak ug managkagot sa ilang mga ngipon.	Matthew 24:51 and shall cut him asunder, and appoint his portion with the hypocrites: there shall be the weeping and the gnashing of teeth.