Bibliya - Bilingüe | Sugboanon - Tsino | Ecclesiastes 4 - 傳道書 4

Ecclesiastes 4	傳道書 4
Ecclesiastes 4:1 Unya ako mipauli ug nakita ko ang tanan nga mga pagdaugdaug nga ginahimo ilalum sa adlaw: ug ania karon, ang luha niadtong mga dinaugdaug, ug sila walay maglilipay, ug niadtong nanagdaugdaug kanila diha ang gahum, apan sila walay maglilipay.	傳道書 4:1 我 又 轉 念 、 見 日 光 之 下 所 行 的 一 切 欺 壓 ． 看 哪 、 受 欺 壓 的 流 淚 、 且 無 人 安 慰 ． 欺 壓 他 們 的 有 勢 力 、 也 無 人 安 慰 他 們 。
Ecclesiastes 4:2 Busa gidayeg ko ang mga nangamatay nga dugay na nga nangamatay labaw kay sa mga buhi nga mga buhi pa;	傳道書 4:2 因 此 我 讚 歎 那 早 已 死 的 死 人 、 勝 過 那 還 活 著 的 活 人 ．
Ecclesiastes 4:3 Oo, labi pang maayo kay kanila nga duha, gimahal ko siya nga wala pa matawo, nga wala makakita sa dautang buhat nga ginahimo ilalum sa adlaw.	傳道書 4:3 並 且 我 以 為 那 未 曾 生 的 、 就 是 未 見 過 日 光 之 下 惡 事 的 、 比 這 兩 等 人 更 強 。
Ecclesiastes 4:4 Unya nakita ko ang tanang buhat ug ang tagsatagsa ka batid nga buhat, nga tungod niini ang tawo pagakasinahan sa iyang isigkatawo. Kini usab kakawangan man ug mao ang paghakop ug hangin.	傳道書 4:4 我 又 見 人 為 一 切 的 勞 碌 、 和 各 樣 靈 巧 的 工 作 、 就 被 鄰 舍 嫉 妒 ． 這 也 是 虛 空 、 也 是 捕 風 。
Ecclesiastes 4:5 Ang buangbuang nagakiyugpos sa iyang mga kamot, ug nagakaon sa iyang kaugalingon nga unod.	傳道書 4:5 愚 昧 人 抱 著 手 、 喫 自 己 的 肉 。
Ecclesiastes 4:6 Labi pang maayo ang usa ka hakop uban ang kalinaw, kay sa duruha ka hakop uban ang kahago ug ang paghakop ug hangin.	傳道書 4:6 滿 了 一 把 、 得 享 安 靜 、 強 如 滿 了 兩 把 、 勞 碌 捕 風 。
Ecclesiastes 4:7 Unya mipauli ako ug nakita ko ang kakawangan ilalum sa adlaw.	傳道書 4:7 我 又 轉 念 、 見 日 光 之 下 有 一 件 虛 空 的 事 。
Ecclesiastes 4:8 Adunay usa nga nagainusara, ug siya walay ikaduha; oo, siya walay anak ni igsoon nga lalake; apan wala bay katapusan sa iyang tanan nga kahago, ni matagbaw ang iyang mga mata sa mga bahandi. Alang kang kinsa man diay ako magakabudlay, miingon siya ug magatungina sa akong kalag sa kaayohan? Kini usab kakawangan man, oo, kini mapait nga kasakit.	傳道書 4:8 有 人 孤 單 無 二 、 無 子 無 兄 、 竟 勞 碌 不 息 、 眼 目 也 不 以 錢 財 為 足 ． 他 說 我 勞 勞 碌 碌 、 刻 苦 自 己 、 不 享 福 樂 、 到 底 是 為 誰 呢 ． 這 也 是 虛 空 、 是 極 重 的 勞 苦 。
Ecclesiastes 4:9 Ang duruha labi pang maayo kay sa usa; kay sila adunay maayong balus sa ilang buhat.	傳道書 4:9 兩 個 人 總 比 一 個 人 好 、 因 為 二 人 勞 碌 同 得 美 好 的 果 效 。
Ecclesiastes 4:10 Kay kong sila mangapukan, ang usa magabangon sa iyang kauban: apan alaut kadtong usa ra sa diha nga siya mapukan, ug walay lain nga magabangon kaniya.	傳道書 4:10 若 是 跌 倒 、 這 人 可 以 扶 起 他 的 同 伴 ． 若 是 孤 身 跌 倒 、 沒 有 別 人 扶 起 他 來 、 這 人 就 有 禍 了 。
Ecclesiastes 4:11 Ingon man kong ang duruha magatipon sa paghigda, nan sila adunay kainit: apan unsaon sa nagainusara aron makabaton ug kainit?	傳道書 4:11 再 者 、 二 人 同 睡 、 就 都 煖 和 ． 一 人 獨 睡 、 怎 能 煖 和 呢 。
Ecclesiastes 4:12 Ug kong ang usa ka tawo modaug batok niadtong nag-inusara, ang duruha makasukol kaniya; ug ang totolo ka bakokon nga pisi dili madali sa pagkabugto.	傳道書 4:12 有 人 攻 勝 孤 身 一 人 、 若 有 二 人 便 能 敵 擋 他 ． 三 股 合 成 的 繩 子 、 不 容 易 折 斷 。
Ecclesiastes 4:13 Labi pang maayo ang usa ka kabus ug masinabuton nga batan-on kay sa usa ka tigulang ug buangbuang nga hari, nga dili na mahibalo nga modawat ug tambag.	傳道書 4:13 貧 窮 而 有 智 慧 的 少 年 人 、 勝 過 年 老 不 肯 納 諫 的 愚 昧 王 。
Ecclesiastes 4:14 Kay gikan sa bilanggoan siya migula aron mahimong hari; oo, bisan pa sa iyang gingharian siya natawo nga kabus.	傳道書 4:14 這 人 是 從 監 牢 中 出 來 作 王 ． 在 他 國 中 、 生 來 原 是 貧 窮 的 。
Ecclesiastes 4:15 Nakita ko ang tanang mga buhi nga nagalakaw ilalum sa adlaw, nga sila nakauban sa batan-on, ang ikaduha, nga mitindog puli kaniya sa iyang dapit.	傳道書 4:15 我 見 日 光 之 下 一 切 行 動 的 活 人 、 都 隨 從 那 第 二 位 、 就 是 起 來 代 替 老 王 的 少 年 人 。
Ecclesiastes 4:16 Walay katapusan niadtong tanan nga katawohan, bisan pa kanilang tanan nga iyang hing-unhan: ilabina kadtong mosunod dili malipay kaniya. Sa pagkatinuod kini usab kakawangan man ug mao ang paghakop ug hangin.	傳道書 4:16 他 所 治 理 的 眾 人 、 就 是 他 的 百 姓 、 多 得 無 數 ． 在 他 後 來 的 人 、 尚 且 不 喜 悅 他 ． 這 真 是 虛 空 、 也 是 捕 風 。