Job 39
|
Job 39
|
| Nahibalo ka ba sa panahon nga ig-alanak sa kanding sa bato? Kun makatimaan ba ikaw ug mga lagsaw nga baye nga nanganak? | Have you knowledge of the rock-goats? or do you see the roes giving birth to their young? |
| Naisip ba nimo ang gidaghanon sa bulan sa ilang pagpanamkon? Kun nasayud ka ba sa adlaw sa ilang pagpanganak? | Is the number of their months fixed by you? or is the time when they give birth ordered by you? |
| Sila modungo sa ilang kaugalingon, lanak nila ang ilang mga gagmay, Magahaw-as sila sa ilang mga kasakit. | They are bent down, they give birth to their young, they let loose the fruit of their body. |
| Ang ilang mga anak mahimong kusgan, sila sa kalibonan nanagtubo; Sila manlakaw ug dili na mamalik pag-usab. | Their young ones are strong, living in the open country; they go out and do not come back again. |
| Kinsa ba ang nagbuhi sa asno nga ihalas? Kun kinsa ba ang nagbadbad sa pisi nga gigapusan sa asno nga matulin, | Who has let the ass of the fields go free? or made loose the bands of the loud-voiced beast? |
| Kang kansang pinuy-anan maoy gihimo ko nga kamingawan, Ug ang yuta nga asin maoy iyang puloy-anan? | To whom I have given the waste land for a heritage, and the salt land as a living-place. |
| Siya nagayam-id sa kagahub sa ciudad, Ni mamati siya sa pagsinggit sa mag-aabog. | He makes sport of the noise of the town; the voice of the driver does not come to his ears; |
| Ang lungbay sa kabukiran maoy iyang sibsibanan, Ug siya magapangita sa tanang butang nga lunhaw. | He goes looking for his grass-lands in the mountains, searching out every green thing. |
| Mahimuot ba ang vaca nga ihalas sa pag-alagad kanimo? Kun buot ka ba nga siya mopabilin sa imong pasungan? | Will the ox of the mountains be your servant? or is his night's resting-place by your food-store? |
| Ikagakud ba nimo ang vaca nga ihalas sa iyang pisi diha sa tudling? Kun modaro ba siya sa mga walog sa imong likod? | Will he be pulling your plough with cords, turning up the valleys after you? |
| Mosalig ka ba kaniya tungod kay siya makusganon kaayo? Kun ibilin ba nimo kaniya ang imong bulohaton? | Will you put your faith in him, because his strength is great? will you give the fruit of your work into his care? |
| Igasalig ba nimo kaniya, nga siya maoy magdala sa binhi ngadto sa imong balay, Ug tigumon ang trigo sa imong salug nga giukan? | Will you be looking for him to come back, and get in your seed to the crushing-floor? |
| Ang mga pako sa avestruz mokapakapa uban ang garbo; Apan maaghup ba ang iyang mga pako ug mga balhibo? | Is the wing of the ostrich feeble, or is it because she has no feathers, |
| Tungod kay iya man nga biyaan ang iyang mga itlog sa yuta, Ug painitan sila diha sa balas, | That she puts her eggs on the earth, warming them in the dust, |
| Ug hikalimtan nila nga kini madabok sa tiil, Kun katumban ba sila sa mananap nga ihalas. | Without a thought that they may be crushed by the foot, and broken by the beasts of the field? |
| Mabangis siya sa iyang mga kuyabog, ingon nga daw sila dili iya: Bisan makawang ang iyang kabudlay, siya dili mahadlok; | She is cruel to her young ones, as if they were not hers; her work is to no purpose; she has no fear. |
| Tungod kay gikuhaan siya sa Dios ug kaalam, Ni gihatagan siya ug salabutan. | For God has taken wisdom from her mind, and given her no measure of knowledge. |
| Sa panahon nga siya molupad sa itaas, Siya magayam-id sa kabayo ug sa nagkabayo niini. | When she is shaking her wings on high, she makes sport of the horse and of him who is seated on him. |
| Nahatagan mo ba ang kabayo sa iyang kakusog? Gibistihan mo ba ang iyang liog sa lambungay nga nagakurogkurog? | Do you give strength to the horse? is it by your hand that his neck is clothed with power? |
| Ikaw ba ang naghimo kaniya nga makalukso sama sa dulon? Ang himaya sa iyang pagpangusmo makalilisang. | Is it through you that he is shaking like a locust, in the pride of his loud-sounding breath? |
| Diha sa walog siya nagakakha, ug nalipay tungod sa iyang kusog: Siya mogula aron sa pagpakighibalag sa mga tawong sangkap sa hinagiban. | He is stamping with joy in the valley; he makes sport of fear. |
| Ang kalisang iyang ginatamay, ug dili siya kapugdawan; Ni motalikod siya sa pinuti. | In his strength he goes out against the arms of war, turning not away from the sword. |
| Ang baslayan nagkagalkal batok kaniya, Ang bangkaw nga nagpangidlap ug ang salapang. | The bow is sounding against him; he sees the shining point of spear and arrow. |
| Iyang itulon ang yuta tungod sa kabangis ug kaligutgut; Ni motagad siya sa tingog sa trompeta. | Shaking with passion, he is biting the earth; he is not able to keep quiet at the sound of the horn; |
| Sa masubsob nga ang trompeta patingogon, siya magaingon: Aha! Ug siya makabaho sa panag-away gikan sa halayo, Sa dalugdug sa mga punoan, ug sa singgitay. | When it comes to his ears he says, Aha! He is smelling the fight from far off, and hearing the thunder of the captains, and the war-cries. |
| Maglupad ba ang banog tungod sa iyang kaalam, Ug magtuy-od sa iyang mga pako padulong sa habagatan? | Is it through your knowledge that the hawk takes his flight, stretching out his wings to the south? |
| Maglupad ba ang agila sa itaas tungod sa imong pagmando, Ug magbalay sa iyang salag sa kahitas-an? | Or is it by your orders that the eagle goes up, and makes his resting-place on high? |
| Siya sa ibabaw sa pangpang nagapuyo, ug tua didto ang iyang pinuy-anan: Sa kinatumyan sa pangpang, ug sa dapit nga malig-on. | On the rock is his house, and on the mountain-top his strong place. |
| Gikan didto siya magalantaw sa iyang dalagiton; Ang iyang mga mata makatan-aw niana gikan sa halayo. | From there he is watching for food; his eye sees it far off. |
| Ang iya usab nga kuyabog mosupsop ug dugo: Ug hain gani ang mga patay, atua man siya. | His young have blood for their drink, and where the dead bodies are, there is he to be seen. |
