Lucas 17
|
Luke 17
|
| Ug si Jesus miingon sa iyang mga tinun-an, "Ang mga pagpanulay sa paghimog sala magaabut gayud hinoon; apan alaut ang tawo nga pinaagi kaniya magaabut kini! | And he said to his disciples, It is necessary for causes of trouble to come about, but unhappy is he by whom they come. |
| Maayo pa lang unta hinoon alang kaniya kon gikahigtan siyag galingan nga bato diha sa iyang liog ug gikatambog siya ngadto sa dagat, kay sa magaangin siya sa usa niining mga gagmay sa pagpakasala. | It would be well for him if a great stone was put round his neck and he was dropped into the sea, before he made trouble for any of these little ones. |
| Magbantay kamo; kon ang imong igsoon makasala, badlonga siya, ug kon siya maghinulsol, pasayloa siya; | Give attention to yourselves: if your brother does wrong, say a sharp word to him; and if he has sorrow for his sin, let him have forgiveness. |
| ug kon sa usa ka adlaw makasala siya sa makapito batok kanimo, ug sa makapito magabalig siya kanimo ug magaingon, `Nagbasol ako, `kinahanglan pasayloon mo siya." | And if he does you wrong seven times in a day, and seven times comes to you and says, I have regret for what I have done; let him have forgiveness. |
| Ug ang mga apostoles miingon sa Ginoo, "Dugangi ang among pagtoo!" | And the twelve said to the Lord, Make our faith greater. |
| Ug kanila mitubag ang Ginoo nga nag-ingon, "Kon kamo may pagtoo nga ingon ug liso sa mustasa, makaingon kamo niining kahoy nga sikomoro, `Paibut ug patanum ka diha sa lawod,` ug kini mosugot kaninyo. | And the Lord said, If your faith was only as great as a grain of mustard seed, you might say to this tree, Be rooted up and planted in the sea; and it would be done. |
| "Kinsa ba kaninyo, nga may ulipon nga nagadaro o nagabantay sa mga karnero, nga moingon kaniya inig-abut niya gikan sa umahan, `Umari ka sa madali ug lumingkod ka tambong sa kan-anan`? | But which of you, having a servant who is ploughing or keeping sheep, will say to him, when he comes in from the field, Come now and be seated and have a meal, |
| Dili ba ang iyang pagabuhaton mao hinoon ang pag-ingon kaniya, `Paghikayg akong ipanihapon, ug pamakos ug alagari ako hangtud nga makakaon ug makainom na ako; ug tapus niini mao pay imong pagkaon ug pag-inom`? | Will he not say, Get a meal for me, and make yourself ready and see to my needs till I have had my food and drink; and after that you may have yours? |
| Pasalamatan ba niya ang iyang ulipon tungod kay kini nagbuhat sa gisugo kaniya? | Does he give praise to the servant because he did what was ordered? |
| Maingon man usab niini kamo, sa makabuhat na kamo sa tanang gisugo kaninyo, umingon kamo, `Kami mga ulipon nga walay hinungdan, kay kami igo lamang nagbuhat sa kinahanglan among pagabuhaton ingon nga among katungdanan.`" | In the same way, when you have done all the things which are given you to do, say, There is no profit in us, for we have only done what we were ordered to do. |
| Ug sa naglakaw siya padulong sa Jerusalem, siya miagi subay sa pag-utlan sa Samaria ug sa Galilea. | And it came about that when they were on the way to Jerusalem he went through Samaria and Galilee. |
| Ug sa pagsulod niya sa usa ka balangay, siya gisugat sa napulo ka mga tawong sanlahon nga nanagtindog nga nagpaantaw | And when he went into a certain small town he came across ten men who were lepers, and they, keeping themselves at a distance, |
| ug sa makusog nga tingog nanag-ingon, "Jesus, Magtutudlo, kaloy-i intawon kami." | Said, in loud voices, Jesus, Master, have mercy on us. |
| Ug sa iyang pagkakita kanila, siya miingon kanila, "Lumakaw kamo ug ipakita ang inyong kaugalingon ngadto sa mga sacerdote." Ug sa nagpanglakaw sila, nangaayo sila. | And when he saw them he said, Go, and let the priests see you. And, while they were going, they were made clean. |
| Unya usa kanila, sa iyang pagkakita nga siya maayo na, mibalik ug sa ma-kusog nga tingog nagdayeg sa Dios; | And one of them, when he saw that he was clean, turning back, gave praise to God in a loud voice; |
| ug siya mihapa sa tiilan ni Jesus ug nagpasalamat kaniya. Ug kadto siya usa ka Samarianhon. | And, falling down on his face at the feet of Jesus, he gave the credit to him; and he was a man of Samaria. |
| Ug si Jesus miingon, "Dili ba napulo man ang naayo? Hain ba ang siyam? | And Jesus said, Were there not ten men who were made clean? where are the nine? |
| Wala ba kanilay nakita nga mibalik ug nagdayeg sa Dios gawas niining dumuloong?" | Have not any of them come back to give glory to God, but only this one from a strange land? |
| Ug si Jesus miingon kaniya, "Tumindog ug lumakaw ka; ang imong pagsalig nakapaayo kanimo." | And he said to him, Get up, and go on your way; your faith has made you well. |
| Ug sa gipangutana siya sa mga Fariseo kon kanus-a ang iabut sa gingharian sa Dios, siya mitubag kanila, "Ang gingharian sa Dios moabut nga dili pagaubanan sa mga tilimad-on nga mapaniid; | And when the Pharisees put questions to him about when the kingdom of God would come, he gave them an answer and said, The kingdom of God will not come through observation: |
| ug dili usab sila magaingon, `Dia ra?` o `Tua ra!` Kay tan-awa, ang gingharian sa Dios anaa ra sa taliwala ninyo." | And men will not say, See, it is here! or, There! for the kingdom of God is among you. |
| Ug siya miingon sa iyang mga tinun-an, "Ang mga adlaw magaabut ra nga kamo mangandoy sa pagtan-aw sa usa sa mga adlaw sa Anak sa Tawo, apan dili kamo makakita niini. | And he said to his disciples, The time will come when you will have a great desire to see one of the days of the Son of man, but you will not see it. |
| Ug sila manag-ingon unya kaninyo, `Tua ra!` o `Dia ra!` Ayaw gayud kamo pag-adto, ayaw gayud kamo pagnunot kanila. | And if they say to you, See, it is there! or, It is here! do not go away, or go after them. |
| Kay maingon nga ang kilat magakilab ug pagadan-agan niini ang langit gikan sa usa ka bahin ngadto sa laing bahin, maingon man usab unya ang Anak sa Tawo sa iyang adlaw. | For as in a thunderstorm the bright light is seen from one end of the sky to the other, so will the Son of man be when his time comes. |
| Apan kinahanglan una nga siya magaantus sa daghang mga butang ug igasalikway niining kaliwatana. | But first, he will have to undergo much and be put on one side by this generation. |
| Maingon sa nahitabo kaniadto sa mga adlaw ni Noe, maingon man usab unya sa mga adlaw sa Anak sa Tawo. | And as it was in the days of Noah, so will it be in the day of the Son of man. |
| Sila nanagpangaon, sila nanag-inom, sila nanagpangasawa ug nanagpamana, hangtud sa adlaw sa pagsulod ni Noe sa arka, ug ang lunop miabut ug niini gilaglag silang tanan. | They were feasting and taking wives and getting married, till the day of the overflowing of the waters, when Noah went into the ark, and they all came to destruction. |
| Maingon usab sa nahitabo kaniadto sa mga adlaw ni Lot--nga sila nanagpangaon, nanag-inom, nanagpamalit, nanagpamaligya, nanagpananum, nanagtukod ug mga balay, | In the same way, in the days of Lot; they were feasting and trading, they were planting and building; |
| apan sa adlaw sa pagpahawa ni Lot sa Sodoma, gikan sa langit miulan ang kalayo ug asupri ug niini gilaglag silang tanan-- | But on the day when Lot went out of Sodom, fire came down from heaven and destruction came on them all. |
| maingon man usab unya niini sa adlaw nga igapadayag na ang Anak sa Tawo. | So will it be in the day of the revelation of the Son of man. |
| Niadtong adlawa, siya nga anha sa atop ug ang iyang mga butang adto sa sulod sa balay, ayaw na siya pakanauga aron sa pagkuha pa niini; ug maingon man usab, siya nga anha sa uma ayaw na pabalika. | On that day, if anyone is on the roof of the house, and his goods are in the house, let him not go down to take them away; and let him who is in the field not go back to his house. |
| Hinumdumi ninyo ang asawa ni Lot. | Keep in mind Lot's wife. |
| Bisan kinsa nga magatinguha sa pagpatunhay sa iyang kinabuhi, mawagtangan hinoon siya niini; apan bisan kinsa nga magawagtang sa iyang kinabuhi, magapatunhay hinoon niini. | If anyone makes an attempt to keep his life, it will be taken from him, but if anyone gives up his life, he will keep it. |
| Sultihan ko kamo, nga niadto unyang gabhiona duha ka tawo anha sa usa ka higdaan; ang usa kanila kuhaon ug ang usa mabiyaan. | I say to you, In that night there will be two men sleeping in one bed, and one will be taken away and the other let go. |
| Duha ka babaye manag-abay sa paggaling; usa kanila kuhaon ug ang usa mabiyaan. | Two women will be crushing grain together; one will be taken away and the other let go. |
| Duha ka lalaki anha sa uma; ang usa kuhaon ug ang usa mabiyaan." | [] |
| Ug sila miingon kaniya, "Asa man, Ginoo?" Siya mitubag, "Diin gani ang patay, atua usab didto magakatapok ang mga agila." | And they, answering him, said, Where, Lord? And he said to them, Where the body is, there will the eagles come together. |
