Bibliya - Sugboanon | Lamentaciones 5 - Sugboanon | Lamentaciones 5 - Lamentaciones 5

Lamentaciones 5

Lamentaciones 5:1 Hinumdumi, Oh Jehova, kong unsay nahitabo kanamo: Sud-onga, ug tan-awa ang among kaulaw.

Lamentaciones 5:2 Ang among kabilin nahulog ngadto sa mga dumuloong, Ang among mga balay ngadto sa mga lumalangyaw.

Lamentaciones 5:3 Kami mga ilo ug walay mga amahan; Ang among mga inahan nangahimong mga balo.

Lamentaciones 5:4 Kami nag-inum sa among tubig nga binayloan sa salapi; Ang among kahoy ginabaligya na kanamo.

Lamentaciones 5:5 Ang mga maglulutos kanamo nagaungot sa among mga liog: Kami gikapuyan ug walay pahulay.

Lamentaciones 5:6 Among gihatag ang kamot ngadto sa mga Egiptohanon, Ug sa mga Asiriahanon, aron tagbawon sa tinapay.

Lamentaciones 5:7 Ang among mga amahan nanagpakasala, ug wala na; Ug among giantus ang ilang kasal-anan.

Lamentaciones 5:8 Ang mga sulogoon maoy nagahari kanamo: Walay makaluwas kanamo gikan sa ilang kamot.

Lamentaciones 5:9 Makuha namo ang among tinapay uban ang peligro sa among kinabuhi, Tungod sa espada didto sa kamingawan.

Lamentaciones 5:10 Ang among panit maitum sama sa usa ka hudno, Tungod sa makasunog nga kainit sa kagutmanan.

Lamentaciones 5:11 Ginalugos nila ang mga babaye didto sa Sion, Ang mga ulay sa ciudad sa Juda.

Lamentaciones 5:12 Ang mga principe ginabitay pinaagi sa ilang mga kamot: Ang mga nawong sa mga anciano wala tahura.

Lamentaciones 5:13 Ang mga batan-ong lalake maoy nanagpas-an sa galingan; Ug ang kabataan gipahiumod sa ilalum sa kahoy.

Lamentaciones 5:14 Ang mga anciano namiya sa pultahan, Ang mga batan-ong lalake namiya sa ilang honi.

Lamentaciones 5:15 Ang kalipay sa among kasingkasing mihunong na; Ang among sayaw nahimong pagminatay.

Lamentaciones 5:16 Ang purongpurong nahulog gikan sa among ulo: Alaut kami kay kami nakasala man!

Lamentaciones 5:17 Tungod niini ang among kasingkasing nagakaluya; Tungod niining mga butanga ang among mga mata lubog na.

Lamentaciones 5:18 Tungod sa bukid sa Sion, nga mamingaw: Ang mga milo nagalakaw sa ibabaw niana.

Lamentaciones 5:19 Ikaw, Oh Jehova, magapabilin sa walay katapusan; Ang imong trono nagapadayon gikan sa kaliwatan ngadto sa kaliwatan.

Lamentaciones 5:20 Ngano man nga nalimot ka kanamo sa walay katapusan, Ug mibiya kanamo sa hataas kaayong panahon?

Lamentaciones 5:21 Pabalika kami nganha kanimo, Oh Jehova, ug kami mamalik; Bag-oha ang among mga adlaw ingon sa kanhing panahon.