The Bible - Bilingual | English - Cebuano | Ephesians 5 - Mga Taga Efeso 5

Ephesians 5	Mga Taga Efeso 5
Ephesians 5:1 Let it then be your desire to be like God, as well-loved children;	Mga Taga Efeso 5:1 Busa magmaawaton kamo sa Dios, ingon nga mga anak nga pinalangga.
Ephesians 5:2 And be living in love, even as Christ had love for you, and gave himself up for us, an offering to God for a perfume of a sweet smell.	Mga Taga Efeso 5:2 Ug paggawi kamo nga mahigugmaon ingon nga si Cristo nahigugma kanato ug, alang kanato, mitugyan sa iyang kaugalingon ingon nga mahumot nga halad ug halad-inihaw ngadto sa Dios.
Ephesians 5:3 But evil acts of the flesh and all unclean things, or desire for others' property, let it not even be named among you, as is right for saints;	Mga Taga Efeso 5:3 Apan ang pakighilawas ug ang tanang kahugaw o kadalo, ayaw gayud ninyo kini paghisguti sanglit dili kini angay sa mga nahimong balaan.
Ephesians 5:4 And let there be no low behaviour, or foolish talk, or words said in sport, which are not right, but in place of them the giving of praise.	Mga Taga Efeso 5:4 Ayaw ninyo gawia ang kalaw-ayan, o ang sulting binoang, o ang mahilas nga katistis, mga butang kini nga dili angay; kondili himoa hinoon ninyo ang pagpasalamat.
Ephesians 5:5 Being certain of this, that no man who gives way to the passions of the flesh, no unclean person, or one who has desire for the property of others, or who gives worship to images, has any heritage in the kingdom of Christ and God.	Mga Taga Efeso 5:5 Kay inyong mapaniguro kini, nga bisan kinsang tawhana nga makihilawason, o mahugaw, o tawong dalo (nga sa ato pa, tigsimbag mga diosdios), wala gayud siyay mapanunod sa gingharian ni Cristo ug sa Dios.
Ephesians 5:6 Do not be turned from the right way by foolish words; for because of these things the punishment of God comes on those who do not put themselves under him.	Mga Taga Efeso 5:6 Ayaw kamo patonto ni bisan kinsa pinaagi sa mga pangatarungan nga walay hinungdan, kay tungod niining mga butanga ang kapungot sa Dios magaabut diha sa mga tawong masupilon.
Ephesians 5:7 Have no part with such men;	Mga Taga Efeso 5:7 Busa ayaw kamo pagpakig-ambitay kanila,
Ephesians 5:8 For you at one time were dark, but now are light in the Lord: let your behaviour be that of children of light	Mga Taga Efeso 5:8 kay bisan tuod kangitngit kamo kaniadto, karon kahayag na kamo tungod sa Ginoo; paggawi kamo ingon nga mga tawo nga may kahayag
Ephesians 5:9 (Because the fruit of the light is in all righteousness and in everything which is good and true),	Mga Taga Efeso 5:9 (kay ang bunga sa kahayag makita diha sa tanang maayo ug matarung ug matuod),
Ephesians 5:10 Testing by experience what is well-pleasing to the Lord;	Mga Taga Efeso 5:10 ug paninguhaa ninyo sa pagsusi kon unsa ang pagakahimut-an sa Ginoo.
Ephesians 5:11 And have no company with the works of the dark, which give no fruit, but make their true quality clear;	Mga Taga Efeso 5:11 Ug ayaw kamo pag-ambit sa mga dili mabungahong buhat sa kangitngit, hinonoa kinahanglan ibutyag ninyo kini.
Ephesians 5:12 For the things which are done by them in secret it is shame even to put into words.	Mga Taga Efeso 5:12 Kay makauulaw gayud ang paghisgot sa mga butang nga ginabuhat nila sa tago;
Ephesians 5:13 But all things, when their true quality is seen, are made clear by the light: because everything which is made clear is light.	Mga Taga Efeso 5:13 apan ang tanang mga butang nga ginapadayag pinaagi sa kahayag, kana sila makita; kay ang tanang makita kahayag man.
Ephesians 5:14 For this reason he says, Be awake, you who are sleeping, and come up from among the dead, and Christ will be your light.	Mga Taga Efeso 5:14 Tungod niini ginaingon: Pagmata, ikaw nga nagakatulog, ug bumangon ka gikan sa mga patay, ug pagahayagan ikaw ni Cristo."
Ephesians 5:15 Take care then how you are living, not as unwise, but as wise;	Mga Taga Efeso 5:15 Busa, pagbantay kamo pag-ayo sa inyong paggawi, dili ingon nga mga boangboang kondili ingon nga mga masinabuton,
Ephesians 5:16 Making good use of the time, because the days are evil.	Mga Taga Efeso 5:16 nga managpahimulos sa kahigayonan kay ang kapanahonan karon puno sa kalisdanan.
Ephesians 5:17 For this reason, then, do not be foolish, but be conscious of the Lord's pleasure.	Mga Taga Efeso 5:17 Busa, ayaw kamo pagpakaboang, kondili sabton hinoon ninyo kon unsa ang kabobuton sa Ginoo.
Ephesians 5:18 And do not take overmuch wine by which one may be overcome, but be full of the Spirit;	Mga Taga Efeso 5:18 Ug ayaw kamo pagkahubog ug bino, kay kana maoy pagpatuyang; kondili magpapuno hinoon kamog Espiritu.
Ephesians 5:19 Joining with one another in holy songs of praise and of the Spirit, using your voice in songs and making melody in your heart to the Lord;	Mga Taga Efeso 5:19 Pagsinultihay kamo, ang usa sa usa, sa mga pulong sa mga salmo ug sa mga alawiton ug sa mga awit nga espirituhanon, nga manag-awit ug managtogtog nga magadayeg sa Ginoo uban sa bug-os ninyong kasingkasing,
Ephesians 5:20 Giving praise at all times for all things in the name of our Lord Jesus Christ, to God, even the Father;	Mga Taga Efeso 5:20 nga sa kanunay magpasalamat kamo sa Dios Amahan tungod sa tanang mga butang, sa ngalan sa atong Ginoong Jesu-Cristo.
Ephesians 5:21 Letting yourselves be ruled by one another in the fear of Christ.	Mga Taga Efeso 5:21 Magpinasakopay kamo nga masinugtanon ang usa sa usa ingon nga pagkataha kang Cristo.
Ephesians 5:22 Wives, be under the authority of your husbands, as of the Lord.	Mga Taga Efeso 5:22 Kamong mga asawa, kinahanglan magpasakop kamo nga masinugtanon sa inyong masigka-bana ingon nga sa Ginoo.
Ephesians 5:23 For the husband is the head of the wife, as Christ is the head of the church, being himself the saviour of the body.	Mga Taga Efeso 5:23 Kay ang bana mao ang ulo sa asawa, maingon usab nga si Cristo ulo sa iglesia nga mao ang iyang lawas, ug siya mao ang Manluluwas niini.
Ephesians 5:24 And as the church is under Christ's authority, so let wives be under the rule of their husbands in all things.	Mga Taga Efeso 5:24 Maingon nga ang iglesia masinugtanong nagpasakop kang Cristo, sa ingon usab niana ang mga asawa kinahanglan magpasakop nga masinugtanon sa ilang masigka-bana sa tanang paagi.
Ephesians 5:25 Husbands, have love for your wives, even as Christ had love for the church, and gave himself for it;	Mga Taga Efeso 5:25 Kamong mga bana, higugmaa ninyo ang inyong masigka-asawa, maingon usab nga si Cristo nahigugma sa iglesia ug mitugyan sa iyang kaugalingon alang kaniya,
Ephesians 5:26 So that he might make it holy, having made it clean with the washing of water by the word,	Mga Taga Efeso 5:26 aron iyang balaanon siya sa mahinloan na niya siya pinaagi sa paghugas kaniyag tubig uban sa pulong,
Ephesians 5:27 And might take it for himself, a church full of glory, not having one mark or fold or any such thing; but that it might be holy and complete.	Mga Taga Efeso 5:27 aron nga sa iyang atubangan ang iglesia ikatanyag diha sa katahum niini, nga walay buling o kunot o bisan unsang sulosama niini, aron magmabalaan siya ug dili masaway.
Ephesians 5:28 Even so it is right for husbands to have love for their wives as for their bodies. He who has love for his wife has love for himself:	Mga Taga Efeso 5:28 Ingon usab niini, ang mga bana kinahanglan magahigugma sa ilang masigka-asawa ingon nga ilang kaugalingong lawas. Ang nagahigugma sa iyang asawa nagahigugma sa iyang kaugalingon.
Ephesians 5:29 For no man ever had hate for his flesh; but he gives it food and takes care of it, even as Christ does for the church;	Mga Taga Efeso 5:29 Kay wala gayuy tawo nga nagdumot sa iyang kaugalingong lawas, kondili magapakaon hinoon siya niini ug magaalima niini maingon sa ginabuhat ni Cristo alang sa iglesia,
Ephesians 5:30 Because we are parts of his body.	Mga Taga Efeso 5:30 sanglit mga bahin man kita sa iyang lawas.
Ephesians 5:31 For this cause will a man go away from his father and mother and be joined to his wife, and the two will become one flesh.	Mga Taga Efeso 5:31 "Tungod niining maong hinungdan, pagabiyaan sa lalaki ang iyang amahan ug inahan ug makig-usa siya sa iyang asawa, ug silang duha mahimong usa."
Ephesians 5:32 This is a great secret: but my words are about Christ and the church.	Mga Taga Efeso 5:32 Kini maoy usa ka dakung tinago, ug niini nagapasabut ako mahitungod kang Cristo ug sa iglesia;
Ephesians 5:33 But do you, everyone, have love for his wife, even as for himself; and let the wife see that she has respect for her husband.	Mga Taga Efeso 5:33 hinoon, alang sa matag-usa ka lalaki diha kaninyo, kinahanglan magahigugma gayud siya sa iyang asawa ingon nga iyang kaugalingon, ug ang asawa kinahanglan magatahud sa iyang bana.