La Biblia - Bilingüe | Español - Cebuano | Salmos 78 - Mga Salmo 78

Salmos 78	Mga Salmo 78
Salmos 78:1 ESCUCHA, pueblo mío, mi ley: Inclinad vuestro oído á las palabras de mi boca.	Mga Salmo 78:1 Patalinghugi, Oh akong katawohan, ang akong Kasugoan: Ikiling ninyo ang inyong mga igdulungog sa mga pulong sa akong baba.
Salmos 78:2 Abriré mi boca en parábola; Hablaré cosas reservadas de antiguo:	Mga Salmo 78:2 Pagabukhon ko ang akong baba sa usa ka sambingay; Magasulti ako ug mga butang nga tinipigan sa kakaraanan,
Salmos 78:3 Las cuales hemos oído y entendido; Que nuestros padres nos las contaron.	Mga Salmo 78:3 Nga among nabati ug hingbaloan, Ug gisugilon kanamo sa among mga amahan.
Salmos 78:4 No las encubriremos á sus hijos, Contando á la generación venidera las alabanzas de Jehová, Y su fortaleza, y sus maravillas que hizo.	Mga Salmo 78:4 Dili kami magatago kanila gikan sa ilang mga anak, Sa pagsugilon sa kaliwatan nga umalabut sa mga pagdayeg ni Jehova, Ug sa iyang kusog, ug sa iyang katingalahang mga buhat nga iyang gihimo.
Salmos 78:5 El estableció testimonio en Jacob, Y pusó ley en Israel; La cual mandó á nuestros padres Que la notificasen á sus hijos;	Mga Salmo 78:5 Kay siya nagtukod ug usa ka pagpamatuod kang Jacob, Ug nagbutang ug usa ka Kasugoan sa Israel. Nga gisugo niya ang among mga Amahan, Nga sila igapahibalo nila sa ilang mga anak;
Salmos 78:6 Para que lo sepa la generación venidera, y los hijos que nacerán; Y los que se levantarán, lo cuenten á sus hijos;	Mga Salmo 78:6 Aron ang kaliwatan nga umalabut mahibalo kanila, bisan ang mga anak nga mangatawo pa; Nga mobangon ug magasugilon niini sa ilang mga anak,
Salmos 78:7 A fin de que pongan en Dios su confianza, Y no se olviden de las obras de Dios, Y guarden sus mandamientos:	Mga Salmo 78:7 Aron nga ibutang nila ang ilang paglaum sa Dios. Ug dili mahakalimot sa mga buhat sa Dios, Kondili magabantay sa iyang mga sugo,
Salmos 78:8 Y no sean como sus padres, Generación contumaz y rebelde; Generación que no apercibió su corazón, Ni fué fiel para con Dios su espíritu.	Mga Salmo 78:8 Ug dili unta sila mahisama sa ilang mga amahan, Usa ka malalison ug masukihon nga kaliwatan; Usa ka kaliwatan nga wala magtulid sa ilang kasingkasing, Ug kinsang espiritu wala magmatinumanon sa Dios.
Salmos 78:9 Los hijos de Ephraim armados, flecheros, Volvieron las espaldas el día de la batalla.	Mga Salmo 78:9 Ang mga anak ni Ephraim, sanglit nasangkap sa hinagiban, ug nanagdala ug mga pana, Mingtalikod sila sa adlaw sa gubat.
Salmos 78:10 No guardaron el pacto de Dios, Ni quisieron andar en su ley:	Mga Salmo 78:10 Wala nila pagbantayi ang tugon sa Dios, Ug nagdumili sa paglakaw sa iyang Kasugoan;
Salmos 78:11 Antes se olvidaron de sus obras, Y de sus maravillas que les había mostrado.	Mga Salmo 78:11 Ug nahakalimot sila sa iyang mga binuhatan, Ug sa iyang mga katingalahang buhat nga iyang gipakita kanila.
Salmos 78:12 Delante de sus padres hizo maravillas En la tierra de Egipto, en el campo de Zoán.	Mga Salmo 78:12 Mga butang nga kahibulongan iyang gibuhat sa mga pagtan-aw sa ilang mga amahan, Didto sa yuta sa Egipto. sa kapatagan sa Soan.
Salmos 78:13 Rompió la mar, é hízolos pasar; E hizo estar las aguas como en un montón.	Mga Salmo 78:13 Gibahin niya ang dagat, ug iyang gipalatas sila; Ug iyang gipatindog ang mga tubig ingon sa usa ka pinundok.
Salmos 78:14 Y llevólos de día con nube, Y toda la noche con resplandor de fuego.	Mga Salmo 78:14 Sa adlaw usab gimandoan niya sila pinaagi sa usa ka panganod, Ug sa tibook nga gabii pinaagi sa usa ka kahayag sa kalayo.
Salmos 78:15 Hendió las peñas en el desierto: Y dióles á beber como de grandes abismos;	Mga Salmo 78:15 Gipikas niya ang mga pangpang sa kamingawan, Ug gipainum niya sila sa madagayaon ingon nga gikan sa mga kahiladman.
Salmos 78:16 Pues sacó de la peña corrientes, E hizo descender aguas como ríos.	Mga Salmo 78:16 Gikan sa mga pangpang usab mipabul-og siya ug mga tubod sa tubig, Ug gipaagay niya ang mga tubig ingon sa mga suba.
Salmos 78:17 Empero aun tornaron á pecar contra él, Enojando en la soledad al Altísimo.	Mga Salmo 78:17 Apan bisan pa niini, nanagpadayon sila sa pagpakasala batok kaniya, Aron sa pagsukol batok sa Hataas Uyamut didto sa kamingawan.
Salmos 78:18 Pues tentaron á Dios en su corazón, Pidiendo comida á su gusto.	Mga Salmo 78:18 Ug ilang gitintal ang Dios sa ilang kasingkasing Sa pagpangayo ug makaon sumala sa ilang tinguha.
Salmos 78:19 Y hablaron contra Dios, Diciendo: ¿Podrá poner mesa en el desierto?	Mga Salmo 78:19 Oo, mingsulti sila batok sa Dios; Sila ming-ingon: Arang ba ang Dios makatagana ug usa ka lamesa dinhi sa kamingawan?
Salmos 78:20 He aquí ha herido la peña, y corrieron aguas, Y arroyos salieron ondeando: ¿Podrá también dar pan? ¿Aparejará carne á su pueblo?	Mga Salmo 78:20 Ania karon, siya misuntok sa bato, sa pagkaagi nga ang mga tubig mingbaha, Ug ang mga sapa mingsalanap; Arang ba usab siya makahatag ug tinapay? Makatagana ba siya ug unod alang sa iyang katawohan?
Salmos 78:21 Por tanto oyó Jehová, é indignóse: Y encendióse el fuego contra Jacob, Y el furor subió también contra Israel;	Mga Salmo 78:21 Busa si Jehova nakadungog, ug naligutgut; Ug gipasilaub ang usa ka kalayo batok kang Jacob, Ug ang kasuko usab misaka batok sa Israel;
Salmos 78:22 Por cuanto no habían creído á Dios, Ni habían confiado en su salud:	Mga Salmo 78:22 Tungod kay sila wala motoo sa Dios, Ug wala mosalig sa iyang kaluwasan.
Salmos 78:23 A pesar de que mandó á las nubes de arriba, Y abrió las puertas de los cielos,	Mga Salmo 78:23 Bisan pa niana, iyang gisugo ang kalangitan sa itaas, Ug gibuksan niya ang mga pultahan sa langit;
Salmos 78:24 E hizo llover sobre ellos maná para comer, Y dióles trigo de los cielos.	Mga Salmo 78:24 Ug iyang gipaulan ang mana aron kan-on nila, Ug naghatag kanila ug makaon gikan sa langit.
Salmos 78:25 Pan de nobles comió el hombre: Envióles comida á hartura.	Mga Salmo 78:25 Ang tawo mikaon sa tinapay sa makagagahum: Siya nagpadala kanila ug kalan-on sa pagkabusog.
Salmos 78:26 Movió el solano en el cielo, Y trajo con su fortaleza el austro.	Mga Salmo 78:26 Iyang gipahuros ang hangin sa timogan diha sa kalangitan; Ug pinaagi sa iyang gahum iyang gimandoan ang hangin sa habagatan.
Salmos 78:27 E hizo llover sobre ellos carne como polvo, Y aves de alas como arena de la mar.	Mga Salmo 78:27 Iyang gipaulan usab kanila ang unod ingon sa abug, Ug mga langgam nga pak-an ingon sa balas sa kadagatan;
Salmos 78:28 E hízolas caer en medio de su campo, Alrededor de sus tiendas.	Mga Salmo 78:28 Ug kini iyang gipatugpa sa kinataliwad-an sa ilang campo, Sa maglibut sa ilang mga puloy-anan.
Salmos 78:29 Y comieron, y hartáronse mucho: Cumplióles pues su deseo.	Mga Salmo 78:29 Busa nangaon sila ug nangabusog kaayo; Ug gihatag niya ang ilang kaugalingong tinguha.
Salmos 78:30 No habían quitado de sí su deseo, Aun estaba su vianda en su boca,	Mga Salmo 78:30 Wala kuhaa gikan kanila kadtong ilang gitinguha, Ang ilang kalan-on diha pa sa ilang mga baba,
Salmos 78:31 Cuando vino sobre ellos el furor de Dios, Y mató los más robustos de ellos, Y derribo los escogidos de Israel.	Mga Salmo 78:31 Sa diha nga ang kaligutgut sa Dios misaka batok kanila, Ug gipatay ang mga labing supang kanila, Ug gilaglag ang mga batan-on sa Israel.
Salmos 78:32 Con todo esto pecaron aún, Y no dieron crédito á sus maravillas.	Mga Salmo 78:32 Bisan pa niini sila nanagpakasala gihapon, Ug wala managpanoo sa iyang mga katingalahang buhat.
Salmos 78:33 Consumió por tanto en nada sus días, Y sus años en la tribulación.	Mga Salmo 78:33 Busa giut-ut niya ang ilang mga adlaw sa kakawangan, Ug ang ilang mga tuig sa mga kalisang.
Salmos 78:34 Si los mataba, entonces buscaban á Dios; Entonces se volvían solícitos en busca suya.	Mga Salmo 78:34 Sa diha nga iyang gipatay sila, unya sila nanagpangita sa Dios; Ug mingbalik sila ug nanagpangita nga masingkamoton sa Dios.
Salmos 78:35 Y acordábanse que Dios era su refugio. Y el Dios Alto su redentor.	Mga Salmo 78:35 Ug sila nahinumdum nga ang Dios mao ang ilang bato, Ug ang Hataas Uyamut nga Dios mao ang ilang mamamawi.
Salmos 78:36 Mas le lisonjeaban con su boca, Y con su lengua le mentían:	Mga Salmo 78:36 Apan ilang giulo-ulohan siya pinaagi sa ilang baba, Ug sa ilang dila sila nanagbakak kaniya.
Salmos 78:37 Pues sus corazones no eran rectos con él, Ni estuvieron firmes en su pacto.	Mga Salmo 78:37 Kay ang ilang mga kasingkasing wala matul-id uban kaniya, Ni magmatinumanon sila sa iyang tugon.
Salmos 78:38 Empero él misericordioso, perdonaba la maldad, y no los destruía: Y abundó para apartar su ira, Y no despertó todo su enojo.	Mga Salmo 78:38 Apan siya, sanglit maloloy-on, nagpasaylo sa ilang kasal-anan, ug wala niya paglaglaga sila: Oo, sa nakadaghan gipahilayo niya ang iyang kaligutgut, Ug wala niya pagpukawa ang bug-os niyang kasuko.
Salmos 78:39 Y acordóse que eran carne; Soplo que va y no vuelve.	Mga Salmo 78:39 Ug nahinumdum siya nga sila mga unod lamang, Usa ka hangin nga lumalabay lamang ug dili na magabalik.
Salmos 78:40 ¡Cuántas veces lo ensañaron en el desierto, Lo enojaron en la soledad!	Mga Salmo 78:40 Unsang pagkasubsob nga sila mingsukol kaniya didto sa kamingawan, Ug mingpasubo kaniya didto sa kamingawan!
Salmos 78:41 Y volvían, y tentaban á Dios, Y ponían límite al Santo de Israel.	Mga Salmo 78:41 Ug mingbalik sila pag-usab ug ilang gitintal ang Dios, Ug minghagit sa Maputli sa Israel.
Salmos 78:42 No se acordaron de su mano, Del día que los redimió de angustia;	Mga Salmo 78:42 Wala nila hinumdumi ang iyang kamot, Ni ang adlaw sa iyang pagtubos kanila gikan sa kabatok;
Salmos 78:43 Cuando puso en Egipto sus señales, Y sus maravillas en el campo de Zoán;	Mga Salmo 78:43 Giunsa niya sa pagpakita sa iyang mga ilhanan didto sa Egipto, Ug sa iyang mga katingalahan didto sa kapatagan sa Soan,
Salmos 78:44 Y volvió sus ríos en sangre, Y sus corrientes, porque no bebiesen.	Mga Salmo 78:44 Ug naghimo nga dugo sa ilang mga suba, Ug sa ilang kasapaan, aron sila dili makainum.
Salmos 78:45 Envió entre ellos una mistura de moscas que los comían, Y ranas que los destruyeron.	Mga Salmo 78:45 Gipadala niya sa taliwala nila ang mga panon sa langaw, nga minglamoy kanila; Ug mga baki nga minglaglag kanila.
Salmos 78:46 Dió también al pulgón sus frutos, Y sus trabajos á la langosta.	Mga Salmo 78:46 Iyang gihatag usab ang ilang mga abut ngadto sa mga hantatawo, Ug ang ilang mga kahago ngadto sa mga dulon.
Salmos 78:47 Sus viñas destruyó con granizo, Y sus higuerales con piedra;	Mga Salmo 78:47 Iyang gilaglag ang ilang kaparrasan pinaagi sa ulan-nga-yelo, Ug ang ilang mga sicomoro pinaagi sa yelo.
Salmos 78:48 Y entregó al pedrisco sus bestias, Y al fuego sus ganados.	Mga Salmo 78:48 Gitugyan niya usab ang ilang kahayupan ngadto sa ulan-nga-yelo, Ug ang ilang mga panon sa carnero sa mainit nga mga liti.
Salmos 78:49 Envió sobre ellos el furor de su saña, Ira y enojo y angustia, Con misión de malos ángeles.	Mga Salmo 78:49 Iyang gipadala sa ibabaw nila ang kabangis sa iyang kaligutgut, Kasuko, ug kapungot, ug kasamok, Usa ka panon sa mga manolonda nga dautan.
Salmos 78:50 Dispuso el camino á su furor; No eximió la vida de ellos de la muerte, Sino que entregó su vida á la mortandad.	Mga Salmo 78:50 Nagbuhat siya ug usa ka dalan alang sa iyang kasuko; Wala niya sayloi ang ilang mga kalag gikan sa kamatayon, Kondili nga iyang gitugyan ang ilang mga kinabuhi sa kamatay,
Salmos 78:51 E hirió á todo primogénito en Egipto, Las primicias de las fuerzas en las tiendas de Châm.	Mga Salmo 78:51 Ug gipamatay ang tanang mga panganay didto sa Egipto, Ang mga inunahan sa ilang kusog didto sa balong-balong ni Ham.
Salmos 78:52 Empero hizo salir á su pueblo como ovejas, Y llevólos por el desierto, como un rebaño.	Mga Salmo 78:52 Apan iyang gipagula ang iyang kaugalingong katawohan sama sa mga carnero, Ug iyang gitultolan sila didto sa kamingawan sama sa usa ka panon.
Salmos 78:53 Y guiólos con seguridad, que no tuvieron miedo; Y la mar cubrió á sus enemigos.	Mga Salmo 78:53 Ug iyang gimandoan sila nga walay kabilinggan, sa pagkaagi nga sila wala mangahadlok; Apan ang dagat milumos sa ilang mga kaaway.
Salmos 78:54 Metiólos después en los términos de su santuario, En este monte que ganó su mano derecha.	Mga Salmo 78:54 Ug iyang gidala sila ngadto sa utlanan sa iyang balaang puloy-anan, Niining bukira nga gidaug sa iyang toong kamot.
Salmos 78:55 Y echó las gentes de delante de ellos, Y repartióles una herencia con cuerdas; E hizo habitar en sus moradas á las tribus de Israel.	Mga Salmo 78:55 Gipapahawa usab niya ang mga nasud gikan sa ilang atubangan, Ug iyang gibahinbahin sila alang sa usa ka panulondon pinaagi sa mga utlanan, Ug gipapuyo niya sa ilang mga balong-balong ang mga banay sa Israel.
Salmos 78:56 Mas tentaron y enojaron al Dios Altísimo, Y no guardaron sus testimonios;	Mga Salmo 78:56 Bisan pa niini, ilang gitintal ug mingsukol sila batok sa Hataas Uyamut nga Dios, Ug wala sila managbantay sa iyang mga pagpamatuod;
Salmos 78:57 Sino que se volvieron, y se rebelaron como sus padres: Volviéronse como arco engañoso.	Mga Salmo 78:57 Kondili mingbalik sila, ug nanagmabudhion sila sama sa ilang mga amahan: Mingtipas sila sama sa usa ka limbongan nga pana.
Salmos 78:58 Y enojáronlo con sus altos, Y provocáronlo á celo con sus esculturas.	Mga Salmo 78:58 Kay ilang gihagit siya sa pagkasuko tungod sa ilang mga hatagas nga dapit, Ug ilang gipaabugho siya tungod sa ilang mga larawan nga linilok.
Salmos 78:59 Oyólo Dios, y enojóse, Y en gran manera aborreció á Israel.	Mga Salmo 78:59 Sa diha nga kini nadungog sa Dios, siya nasuko, Ug sa hilabihan gayud giayran niya ang Israel;
Salmos 78:60 Dejó por tanto el tabernáculo de Silo, La tienda en que habitó entre los hombres;	Mga Salmo 78:60 Busa gibiyaan niya ang tabernaculo sa Shilo, Ang balong-balong nga gibutang niya sa taliwala sa mga tawo;
Salmos 78:61 Y dió en cautividad su fortaleza, Y su gloria en mano del enemigo.	Mga Salmo 78:61 Ug gitugyan niya ngadto sa pagkabinihag ang iyang kusog, Ug ang iyang himaya ngadto sa kamot sa kabatok.
Salmos 78:62 Entregó también su pueblo á cuchillo, Y airóse contra su heredad.	Mga Salmo 78:62 Gitugyan usab niya ang iyang katawohan ngadto sa espada, Ug naligutgut siya batok sa iyang panulondon.
Salmos 78:63 El fuego devoró sus mancebos, Y sus vírgenes no fueron loadas en cantos nupciales.	Mga Salmo 78:63 Ang kalayo milamoy sa ilang mga batan-on nga lalake; Ug ang ilang mga ulay walay mga alawiton sa kaminyoon.
Salmos 78:64 Sus sacerdotes cayeron á cuchillo, Y sus viudas no lamentaron.	Mga Salmo 78:64 Ang ilang mga sacerdote nangapukan pinagi sa espada; Ug ang ilang mga balo nga babaye wala managminatay.
Salmos 78:65 Entonces despertó el Señor á la manera del que ha dormido, Como un valiente que grita excitado del vino:	Mga Salmo 78:65 Unya nahigmata ang Ginoo ingon sa usa nga gikan sa paghikatulog, Sama sa usa ka kusgan nga tawo nga nagasinggit tungod sa pag-agda sa vino.
Salmos 78:66 E hirió á sus enemigos en las partes posteriores: Dióles perpetua afrenta.	Mga Salmo 78:66 Ug iyang gilaglag ang iyang mga kabatok sa likod: Iyang gibutang sila sa usa ka pagkatalamayon nga dayon.
Salmos 78:67 Y desechó el tabernáculo de José, Y no escogió la tribu de Ephraim.	Mga Salmo 78:67 Labut pa, iyang gisalikway ang balong-balong ni Jose, Ug wala pilia ang banay ni Ephraim,
Salmos 78:68 Sino que escogió la tribu de Judá, El monte de Sión, al cual amó.	Mga Salmo 78:68 Kondili gipili ang banay ni Juda, Ang bukid sa Sion nga iyang gihigugma.
Salmos 78:69 Y edificó su santuario á manera de eminencia, Como la tierra que cimentó para siempre.	Mga Salmo 78:69 Ug gitukod niya ang iyang balaang puloy-anan sama sa mga kahitas-an, Sama sa yuta na iyang gitukod sa walay katapusan.
Salmos 78:70 Y eligió á David su siervo, Y tomólo de las majadas de las ovejas:	Mga Salmo 78:70 Siya nagpili usab kang David nga iyang alagad, Ug nagkuha kaniya gikan sa mga toril sa carnero:
Salmos 78:71 De tras las paridas lo trajo, Para que apacentase á Jacob su pueblo, y á Israel su heredad.	Mga Salmo 78:71 Gikan sa pagsunod sa mga carnero nga baye nga adunay mga gagmay, iyang gidala siya, Aron mahimong magbalantay kang Jacob nga katawohan niya, ug sa Israel nga iyang panulondon.
Salmos 78:72 Y apacentólos con entereza de su corazón; Y pastoreólos con la pericia de sus manos.	Mga Salmo 78:72 Mao nga siya ang magbalantay nila sumala sa katul-id sa iyang kasingkasing, Ug gimandoan niya sila pinaagi sa pagkabatid sa iyang mga kamot.