啟示錄 2	Ang Bugna 2
啟示錄 2:1 ^ 你要寫信給以弗所教會的使者、說、那右手拿著七星、在七個金燈臺中間行走的、說、	Ang Bugna 2:1 ^ "Ngadto sa manolunda sa iglesia sa Efeso, isulat mo kini: `Mao kini ang mga pulong sa nagakupot ug pito ka mga bitoon diha sa iyang too nga kamot, ang nagalakaw sa taliwala sa pito ka mga kandilirong bulawan:
啟示錄 2:2 ^ 我知道你的行為、勞碌、忍耐、也知道你不能容忍惡人、你也曾試驗那自稱為使徒卻不是使徒的、看出他們是假的來。	Ang Bugna 2:2 ^ "`Nasayud ako sa imong mga nabuhat, sa imong paghago ug sa imong pag-antus, ug nga ikaw dili makapailub sa dautan nga mga tawo hinonoa ginausisa mo ang mga nanag-ingon nga sila mga apostoles apan dili diay, ug nasuta mo sila nga mga mini.
啟示錄 2:3 ^ 你也能忍耐、曾為我的名勞苦、並不乏倦。	Ang Bugna 2:3 ^ Nasayud ako nga ikaw nagaantus ug nagapailub tungod sa akong ngalan, ug nga ikaw wala abutag kataka.
啟示錄 2:4 ^ 然而有一件事我要責備你、就是你把起初的愛心離棄了。	Ang Bugna 2:4 ^ Ngani batok kanimo aduna akoy ikasumbong nga mao kini, nga imong gibiyaan ang paghigugma nga diha kanimo kaniadto.
啟示錄 2:5 ^ 所以應當回想你是從那裡墜落的、並要悔改、行起初所行的事．你若不悔改、我就臨到你那裡、把你的燈臺從原處挪去。	Ang Bugna 2:5 ^ Busa hinumdomi diin ka gikan mahulog, paghinulsol ug buhata ang mga buhat nga imong gihimo kaniadto. Kay kon dili man, anhaon ko ikaw ug kuhaon ko ang imong kandiliro gikan sa iyang dapit, gawas kon magahinulsol ka.
啟示錄 2:6 ^ 然而你還有一件可取的事、就是你恨惡尼哥拉一黨人的行為、這也是我所恨惡的。	Ang Bugna 2:6 ^ Hinoon adunay pabor kanimo nga mao kini, nga ginadumtan mo ang mga buhat sa mga Nicolaita, nga ginadumtan ko usab.
啟示錄 2:7 ^ 聖靈向眾教會所說的話、凡有耳的、就應當聽。得勝的、我必將　神樂園中生命樹的果子賜給他喫。	Ang Bugna 2:7 ^ Ang adunay igdulongog, kinahanglan magapatalinghug sa sulti sa Espiritu ngadto sa mga iglesia. Ang magamadaugon pagatugotan ko sa pagkaon sa bunga sa kahoy nga nagahatag ug kinabuhi nga anaa sa paraiso sa Dios.`
啟示錄 2:8 ^ 你要寫信給士每拿教會的使者說、那首先的、末後的、死過又活的說、	Ang Bugna 2:8 ^ "Ug ngadto sa manolunda sa iglesia sa Esmirna, isulat mo kini: `Mao kini ang mga pulong niya nga mao ang Sinugdan ug ang Katapusan, ang namatay ug ang nabuhi pag-usab:
啟示錄 2:9 ^ 我知道你的患難、你的貧窮、（你卻是富足的）也知道那自稱是猶太人所說的毀謗話、其實他們不是猶太人、乃是撒但一會的人。	Ang Bugna 2:9 ^ "`Nasayud ako sa imong kasakit ug sa imong kakabus (apan dato ikaw) ug sa pagpasipala kanimo sa mga nanag-ingon nga sila mga Judio apan dili diay, hinonoa sinagoga sila ni Satanas.
啟示錄 2:10 ^ 你將要受的苦你不用怕．魔鬼要把你們中間幾個人下在監裡、叫你們被試煉．你們必受患難十日。你務要至死忠心、我就賜給你那生命的冠冕。	Ang Bugna 2:10 ^ Ayaw kalisangi ang mga butang nga sa dili madugay imo nang pagaantuson. Tan-awa, ang uban kaninyo hapit na ibanlud sa yawa ngadto sa bilanggoan, aron masulayan kamo, ug pagasakiton kamo sulod sa napulo ka adlaw. Himoa ang pagkamaunongon kanako bisan pa sa kamatayon, ug hatagan ko ikaw sa purongpurong nga kinabuhi.
啟示錄 2:11 ^ 聖靈向眾教會所說的話、凡有耳的、就應當聽。得勝的、必不受第二次死的害。	Ang Bugna 2:11 ^ Ang adunay igdulongog kinahanglan magpatalinghug sa sulti sa Espiritu ngadto sa mga iglesia. Kaniya nga magamadaugon, walay gahum sa pagdaut kaniya ang ikaduhang kamatayon.`
啟示錄 2:12 ^ 你要寫信給別迦摩教會的使者、說、那有兩刃利劍的說、	Ang Bugna 2:12 ^ "Ug ngadto sa manolunda sa iglesia sa Pergamo, isulat mo kini: `Mao kini ang mga pulong sa nagabaton sa mahait nga espada nga duhay sulab:
啟示錄 2:13 ^ 我知道你的居所、就是有撒但座位之處．當我忠心的見證人安提帕在你們中間、撒但所住的地方被殺之時、你還堅守我的名、沒有棄絕我的道。	Ang Bugna 2:13 ^ "`Nasayud ako sa dapit nga imong gipuy-an, sa dapit diin anaa ang trono ni Satanas. Hinoon gihawiran mo ang akong ngalan ug wala mo ilimod ang imong pagtoo kanako bisan pa sa mga adlaw ni Antipas nga akong saksi, ang akong sinaligan, nga gipatay diha kaninyo, sa dapit diin nagapuyo si Satanas.
啟示錄 2:14 ^ 然而有幾件事我要責備你、因為在你那裡、有人服從了巴蘭的教訓．這巴蘭曾教導巴勒將絆腳石放在以色列人面前、叫他們喫祭偶像之物、行姦淫的事。	Ang Bugna 2:14 ^ Apan aduna akoy pila ka butang batok kanimo nga mao kini: anaa diha kanimo ang pipila nga nanagsunod sa tuloohan ni Balaam nga mao ang nagtudlo kang Balac sa pagbutang ug kapangdolan sa atubangan sa mga anak ni Israel, pinaagi sa pagdani kanila sa pagkaon sa mga hinalad ngadto sa mga larawan ug sa paghimog pakighilawas.
啟示錄 2:15 ^ 你那裡也有人照樣服從了尼哥拉一黨人的教訓。	Ang Bugna 2:15 ^ Maingon man anaa usab kanimo ang pipila nga nanagsunod sa tuloohan sa mga Nicolaita.
啟示錄 2:16 ^ 所以你當悔改、若不悔改、我就快臨到你那裡、用我口中的劍、攻擊他們。	Ang Bugna 2:16 ^ Busa paghinulsol; kay kon dili, anhaon ko ikaw sa madali ug gubaton ko sila pinaagi sa espada sa akong baba.
啟示錄 2:17 ^ 聖靈向眾教會所說的話、凡有耳的、就應當聽。得勝的、我必將那隱藏的嗎哪賜給他．並賜他一塊白石、石上寫著新名．除了那領受的以外、沒有人能認識。	Ang Bugna 2:17 ^ Ang adunay igdulongog, kinahanglan magpatalinghug sa sulti sa Espiritu ngadto sa mga iglesia. Ang magamadaugon pagahatagan ko sa mana nga tinagoan, ug pagahatagan ko siyag usa ka gamayng bato nga puti, nga sinulatan ug usa ka bag-ong ngalan nga dili masabut ni bisan kinsa gawas kaniya nga maoy magadawat niini.`
啟示錄 2:18 ^ 你要寫信給推雅推喇教會的使者、說、那眼目如火焰、腳像光明銅的　神之子、說、	Ang Bugna 2:18 ^ "Ug ngadto sa manolunda sa iglesia sa Tiatira, isulat mo kini: `Mao kini ang mga pulong sa Anak sa Dios, kinsang mga mata sama sa nagasiga nga kalayo, ug kinsang mga tiil sama sa tumbaga nga nagasidlak:
啟示錄 2:19 ^ 我知道你的行為、愛心、信心、勤勞、忍耐．又知道你末後所行的善事、比起初所行的更多。	Ang Bugna 2:19 ^ "`Nasayud ako sa imong mga nabuhat, sa imong gugma ug pagtoo ug pag-alagad ug pag-antus, ug nga ang imong ulahing mga nabuhat labaw pa gani ka daghan kay sa nahauna.
啟示錄 2:20 ^ 然而有一件事我要責備你、就是你容讓那自稱是先知的婦人耶洗別教導我的僕人、引誘他們行姦淫、喫祭偶像之物。	Ang Bugna 2:20 ^ Ngani batok kanimo aduna akoy ikasumbong nga mao kini, nga imo lamang gipasagdan ang babaye nga si Jezabel, nga nagaingon nga siya profeta ug nga nagapanudlo ug nagapahisalaag sa akong mga ulipon sa paghimog pakighilawas ug sa pagkaon sa mga hinalad ngadto sa mga larawan.
啟示錄 2:21 ^ 我曾給他悔改的機會、他卻不肯悔改他的淫行。	Ang Bugna 2:21 ^ Gihatagan ko siyag panahon sa paghinulsol, apan nagdumili siya sa paghinulsol sa iyang pagpakighilawas.
啟示錄 2:22 ^ 看哪、我要叫他病臥在床、那些與他行淫的人、若不悔改所行的、我也要叫他們同受大患難。	Ang Bugna 2:22 ^ Tan-awa, ibundak ko siya diha sa higdaanag masakiton, ug sila nga makighilawas kaniya akong idan-ok ngadto sa dakung kasakitan, gawas kon ilang hinulsolan ang iyang mga binuhatan;
啟示錄 2:23 ^ 我又要殺死他的黨類、〔黨類原文作兒女〕叫眾教會知道、我是那察看人肺腑心腸的．並要照你們的行為報應你們各人。	Ang Bugna 2:23 ^ ug ang iyang mga anak akong laglagon pinaagig kamatay. Ug unya ang tanang mga iglesia makaila nga ako mao ang magsususi sa hunahuna ug kasingkasing, ug ako magabalus ra sa matag-usa kaninyo sumala sa mahiangay sa inyong mga binuhatan.
啟示錄 2:24 ^ 至於你們推雅推喇其餘的人、就是一切不從那教訓、不曉得他們素常所說撒但深奧之理的人．我告訴你們、我不將別的擔子放在你們身上。	Ang Bugna 2:24 ^ Apan nganha sa uban kaninyo diha sa Tiatira, sa tanan kaninyo nga wala magsunod sa maong tuloohan, nga wala makakat-on sa laglum nga mga butang ni Satanas, sumala sa ilang gingalan niini, kaninyo magaingon ako, nga wala akoy laing lulan nga ipapas-an kaninyo;
啟示錄 2:25 ^ 但你們已經有的、總要持守、直等到我來。	Ang Bugna 2:25 ^ mao lamang nga kinahanglan kuptan ninyo pag-ayo ang anaa kaninyo, hangtud sa akong pag-anha.
啟示錄 2:26 ^ 那得勝又遵守我命令到底的、我要賜給他權柄制伏列國．	Ang Bugna 2:26 ^ Kaniya nga magamadaugon ug magatuman sa akong mga bulohaton hangtud sa katapusan, igahatag ko ang pagpanggahum ibabaw sa kanasuran,
啟示錄 2:27 ^ 他必用鐵杖轄管他們、〔轄管原文作牧〕將他們如同 ? 戶的瓦器打得粉碎．像我從我父領受的權柄一樣．	Ang Bugna 2:27 ^ ug iyang pagaharian sila pinaagig olisi nga puthaw, nga magadugmok kanila sama sa mga kolon nga pagadugmokon, maingon sa panggahum nga nadawat ko gikan sa akong Amahan;
啟示錄 2:28 ^ 我又要把晨星賜給他。	Ang Bugna 2:28 ^ ug igahatag ko kaniya ang bitoon nga kabugason.
啟示錄 2:29 ^ 聖靈向眾教會所說的話、凡有耳的、就應當聽。	Ang Bugna 2:29 ^ Ang adunay igdulongog, kinahanglan magpatalinghug sa sulti sa Espiritu ngadto sa mga iglesia.